- You are here:
-
- Home >
- Cymraeg .
Cymraeg
CymraegY Rheoleiddiwr Pensiynau
 .
|
Y Rheoleiddiwr Pensiynau sy'n rheoleiddio cynlluniau pensiwn sy'n seiliedig ar waith yn y DU.
Gallwch gysylltu â'n tîm cymorth i gwsmeriaid dros y ffôn ar: 0870 6063636, rhwng 9am a 5.30pm o ddydd Llun i ddydd Gwener, neu drwy e-bost: customersupport@thepensionsregulator.gov.uk
Gwybodaeth am ddefnyddio'r wefan
Amdanom ni
Ein hamcanion
Y Rheoleiddiwr Pensiynau sy'n rheoleiddio cynlluniau pensiwn sy'n seiliedig ar waith yn y DU.
Mae Deddf Pensiynau 2004 yn rhoi cyfres o amcanion penodol i'r Rheoleiddiwr Pensiynau:
- diogelu buddiannau aelodau cynlluniau pensiwn sy'n seiliedig ar waith;
- hyrwyddo prosesau da o weinyddu cynlluniau pensiwn sy'n seiliedig ar waith; a
- lleihau'r risg y bydd sefyllfaoedd yn codi a allai arwain at geisiadau am iawndal gan y Gronfa Diogelu Pensiynau.
Er mwyn bodloni'r amcanion hyn, rydym yn canolbwyntio ein hadnoddau ar gynlluniau y nodwn sy'n cyflwyno'r risg fwyaf i ddiogelwch buddiannau'r aelodau.
Byddwn hefyd yn hyrwyddo safonau uchel wrth weinyddu cynlluniau, ac yn gweithio i sicrhau bod gan y rhai sydd ynghlwm wrth redeg cynlluniau pensiwn y sgiliau a'r wybodaeth angenrheidiol.
Beth yw cynllun pensiwn sy'n 'seiliedig ar waith'?
Cynllun pensiwn sy'n seiliedig ar waith yw unrhyw gynllun y mae cyflogwr yn ei gynnig i gyflogeion. Mae hyn yn cynnwys pob cynllun galwedigaethol, ac unrhyw gynlluniau pensiwn personol a chynlluniau pensiwn cyfranddeiliaid lle mae gan gyflogeion drefniadau talu uniongyrchol.
Aelodau cynlluniau
Y Rheoleiddiwr Pensiynau sy'n rheoleiddio cynlluniau pensiwn sy'n seiliedig ar waith yn y DU.
Pensiwn sy'n seiliedig ar waith yw unrhyw bensiwn - gan gynnwys pensiwn galwedigaethol, pensiwn personol a phensiwn cyfranddeiliaid - y mae eich cyflogwr yn ei gynnig i chi.
Fel rheoleiddiwr, ein nod yw annog safonau uchel o ran y modd y caiff cynlluniau pensiwn eu rhedeg. Dyma'r ffordd orau o atal problemau rhag datblygu - problemau a allai beryglu eich buddiannau pensiwn.
Rydym yn gweithio gydag ymddiriedolwyr cynlluniau pensiwn a rheolwyr cynlluniau (a'ch cyflogwr hefyd) i helpu i ddiogelu eich pensiwn. Os bydd problemau'n datblygu, mae gennym bwerau i unioni pethau.
Sut mae'r rheoleiddiwr yn gweithio
Prif flaenoriaeth y Rheoleiddiwr Pensiynau yw mynd i'r afael â risgiau i fuddiannau aelodau.
Gallwn gael gwybodaeth am risgiau posibl gan ymddiriedolwyr, rheolwyr, cynghorwyr neu aelodau cynllun.
I fynd i'r afael â'r risgiau hyn gallwn:
- helpu'r ymddiriedolwyr a'r cyflogwr i ddod i gytundeb ynghylch lefel y cyfraniadau i'r cynllun, a rhoi cynllun ariannu hirdymor ar waith;
- gorchymyn i gyflogwr dalu unrhyw ddiffyg mewn cynllun;
- gorchymyn i weinyddwyr cynlluniau wella'r gwasanaeth a ddarperir ganddynt i ymddiriedolwyr; neu
- sicrhau bod yr arian a gafodd ei ddwyn o gynllun yn cael ei ddychwelyd.
Mynd i'r afael â risgiau
Rydym yn archwilio cynlluniau pensiwn yn fanwl, yn asesu lefel y risg ac yn cymryd camau i leihau neu ddileu'r risg lle bo'r risg honno'n codi.
Dyma rai enghreifftiau o risg:
- nid oes digon o arian yn y cynllun i ddarparu'r buddiannau y mae aelodau'n eu disgwyl;
- gwaith gweinyddol gwael gan yr ymddiriedolwyr neu eraill sy'n gysylltiedig â rhedeg cynllun - er enghraifft, colli cofnodion hollbwysig;
- cyflogwyr yn methu â chyfrannu at gynllun am fod y busnes mewn trafferthion; neu
- rywun yn ceisio dwyn arian o gynllun pensiwn.
Y Gronfa Diogelu Pensiynau
Mae'r Llywodraeth wedi sefydlu'r Gronfa Diogelu Pensiynau i helpu aelodau cynlluniau pensiwn buddiant diffiniedig cymwys (a elwir hefyd yn gynlluniau cyflog terfynol neu'n gynlluniau sy'n gysylltiedig â chyflog) os:
- bydd eu cyflogwr yn mynd yn fethdalwr;
- nad oes gan gynllun pensiwn y cwmni arian i dalu lefel y buddiannau a ddisgwylir; ac
- os yw'r Gronfa Diogelu Pensiynau wedi dod yn gyfrifol am y cynllun.
Eich cynllun
Yn y lle cyntaf, os hoffech gael mwy o wybodaeth am eich cynllun a'r buddiannau y gallwch eu disgwyl, dylech gysylltu ag ymddiriedolwyr neu reolwr eich cynllun pensiwn.
Os oes cwyn neu broblem gennych ynghylch eich pensiwn, dylech holi'r ymddiriedolwyr ynghylch gweithdrefn gwyno swyddogol y cynllun. (Rhaid i bob cynllun gael gweithdrefn gwyno, ac mae'n golygu bod yn rhaid iddynt ymchwilio i bob cwyn yn briodol.)
Cyhoeddiadau
- Polisi Cwynion
- Eich cyfriflen bensiwn flynyddol
- Eich dewisiadau ymddeol
- A yw eich cyfraniadau'n cael eu talu'n brydlon?